وانا بدعبس(برضة) لاقيتنى كاتبه 2009 الكلام اللى تحت ده دمعت لما قراتها لانها فكرتنى بحاجات كتير اوى وهى كانت طالعه نتيجه خنقه وانى مش عارفه اكتب فحبيت انى احتفظ بيها هنا على المدونة
.................................................................................
نفسى
الفترة الاخيرة
فى الفترة الاخيرة كان فى حاجات كتير متلخبطه
اماكن واشخاص مش فى ميعادهم بيظهروا وبيختفوا
ومن امتى اصلا فى حاجه بتيجى فى ميعادها؟
عرف لى كده معنى (حاجه جايه فى ميعادها) وانا اقتنع
فى الفترة دى
اتحنقت كتير مع نفسى
اصلها متهيالى كده زهقت منى ومن اللى بيحصل
فقررت اخدها اجازة بعيد بعيييييييييد
وبدانا نتكلم بس للاسف معظم كلامنا كان بينتهى بخناقه
لحد ماتوصلت لهدنه معها
تيت راديو
عرفتهم عن طريق اميرة صاحبتى قالتلى خدى اسمعى الناس دى شبهنا قوى
اول حاجه علقت معايا كانت تاثير الفراشه
بس اللى كانت معايا فى الفترة اللى فاتت كانت رائعه علاء القمحاوى brain)
كان بيقول فيها
انا مخى كان فين كنت بفكر ساعتها
لا مش ممكن
مستحيل حد بيفكر ولو لجزء من الثانيه ويعمل العامله السودا دى
بس مخنوق مخنوق من نفسى قوى
ومش بس ندمان ده انا المفروض اصحى كل يوم الصبح ابص فى المرايه واقلع اللى فى رجلى واضرب نفسى 30 شبشب على ودانى
علشان انا اللى استاهل .
اسمعها اتنح
اسمعها ادمع
اسمعها اضحك
افلام
فترة البعد عن الناس بهرب يا اما بنوم او اتفرج على كميه افلام مش معقوله فى اليوم الواحد
لاحظت ان كميه الافلام اللى بتتنبا بنهايه الارض كترت قوى
وفكرت فعلا لو دى كانت نهايتنا زى مابيقولى
انا عملت ايه بقى فى حياتى ؟
وده على قد ماخلانى افكر على قد ماخوفنى
ازاى هاجئ وامشى من غير ما اعمل حاجه فى حياتى
وجودى من عدمه هياثر فى حاجه
اسئلة
لما ببص فى السما كتير واتامل
بحس قد ايه ان الدنيا دى كبيرة قوى
واحنا صغيرين قوى
مهما كانت مشاكلنا ففى حاجه اكبر مننا بتوجهنا
مش هاقول علامات
مع انى مازلات اؤمن بيها ومش هافقد ايمانى بيها ابدا
بقول الكون كله بيدور واحنا وياه بندور
زى ما منير قال كده
بس الطبيعى بقى اننا ندرك ده ونتصالح شويه مع نفسنا
اجمل حاجه عجبانى
ان الشتا داخل
مع انى اول مرة اخاف من الشتا كده
بس فكرة انه جاى فكرة جميله فى حد ذاتها
فى الشتا بس بحس انى انا مش حد تانى
وده مايمنعيش انه هايجى مع عيد ميلادى
بس اهو يوم وهايعدى
فكرة ان الواحد يحتفل بمرور سنه على ميلاده
انه لسه عايش فى الدنيا
ويارت عمل حاجه فيها
فكرة بضايقنى اصلا بحس كتير انى نفسى امسك ريموت كنترول
واعدى اليوم ده بسرعه علشان ماحسيش بحاجه
تحذير
ساعات كتير نفسنا بتحذرنا من ناس واحنا بنعمل نفسنا عبط
بتكون شايف بنى ادمين قدامك طبعين بس بتحس ان فى حاجه غلط هى ايه بقى
مش عارف؟
بس يا اما تتجنب الشعور ده وتتعامل عادى
يا اما تقبل الشعور ده وتمشى ورا احساسك
لانه غاليا هايكون صح
علشان ماتجيش بعد كده تقول ياريت اللى جرى ماكان
قرارات
قرارات كتير اخدتها
انا بؤمن بالعلامات وهامشى معاها
مش هاكسل اعمل حاجه تانى
صحابى دول ناس عزيزة قوى عليا كفايه استحملونى الفترة اللى فاتت
الفترة اللى ماكنتش فيها طايقانى بالمعنى الحرفى تخيلوا هما بقى
انا بؤمن ان الدنيا مرة واحده هتتعاش مش لازم بقى نعيشها فى كئابه
هى مش ناقصه اصلا
بس ساعات كده بتحس انك لازم تكتئب شويه عشلان تحس بطعم الفرح
شويه ماطوليش علشان الاكتئاب ده زى المغناطيس
لو دخلت فى مجاله يبقى كل سنه وانت طيب بقى
اكتر حاجه بضايقنى
انى دارسه الحاجات دى
كان نفسى ابقى عبيط القريه
كانى لسه بشوف واسمع الحاجات دى
كان نفسى دماغى تكون مريحه من حاجات كتير
واكون مش فاهمه احسن ما اكون فاهمه
انا بقول ايه
مش عارفه
بس مش عايزة اكسل تانى
اصل الكلام لما بيتحبس جوه
مهما كان مالوش لازمه بيخنق على روحك وبيجبلها تشوهات
وانت مش حمل تشوهات
كفايه عمليات تجميل للروح بقى
كفايه
شيماء حسن
2009
.................................................................................
نفسى
الفترة الاخيرة
فى الفترة الاخيرة كان فى حاجات كتير متلخبطه
اماكن واشخاص مش فى ميعادهم بيظهروا وبيختفوا
ومن امتى اصلا فى حاجه بتيجى فى ميعادها؟
عرف لى كده معنى (حاجه جايه فى ميعادها) وانا اقتنع
فى الفترة دى
اتحنقت كتير مع نفسى
اصلها متهيالى كده زهقت منى ومن اللى بيحصل
فقررت اخدها اجازة بعيد بعيييييييييد
وبدانا نتكلم بس للاسف معظم كلامنا كان بينتهى بخناقه
لحد ماتوصلت لهدنه معها
تيت راديو
عرفتهم عن طريق اميرة صاحبتى قالتلى خدى اسمعى الناس دى شبهنا قوى
اول حاجه علقت معايا كانت تاثير الفراشه
بس اللى كانت معايا فى الفترة اللى فاتت كانت رائعه علاء القمحاوى brain)
كان بيقول فيها
انا مخى كان فين كنت بفكر ساعتها
لا مش ممكن
مستحيل حد بيفكر ولو لجزء من الثانيه ويعمل العامله السودا دى
بس مخنوق مخنوق من نفسى قوى
ومش بس ندمان ده انا المفروض اصحى كل يوم الصبح ابص فى المرايه واقلع اللى فى رجلى واضرب نفسى 30 شبشب على ودانى
علشان انا اللى استاهل .
اسمعها اتنح
اسمعها ادمع
اسمعها اضحك
افلام
فترة البعد عن الناس بهرب يا اما بنوم او اتفرج على كميه افلام مش معقوله فى اليوم الواحد
لاحظت ان كميه الافلام اللى بتتنبا بنهايه الارض كترت قوى
وفكرت فعلا لو دى كانت نهايتنا زى مابيقولى
انا عملت ايه بقى فى حياتى ؟
وده على قد ماخلانى افكر على قد ماخوفنى
ازاى هاجئ وامشى من غير ما اعمل حاجه فى حياتى
وجودى من عدمه هياثر فى حاجه
اسئلة
لما ببص فى السما كتير واتامل
بحس قد ايه ان الدنيا دى كبيرة قوى
واحنا صغيرين قوى
مهما كانت مشاكلنا ففى حاجه اكبر مننا بتوجهنا
مش هاقول علامات
مع انى مازلات اؤمن بيها ومش هافقد ايمانى بيها ابدا
بقول الكون كله بيدور واحنا وياه بندور
زى ما منير قال كده
بس الطبيعى بقى اننا ندرك ده ونتصالح شويه مع نفسنا
اجمل حاجه عجبانى
ان الشتا داخل
مع انى اول مرة اخاف من الشتا كده
بس فكرة انه جاى فكرة جميله فى حد ذاتها
فى الشتا بس بحس انى انا مش حد تانى
وده مايمنعيش انه هايجى مع عيد ميلادى
بس اهو يوم وهايعدى
فكرة ان الواحد يحتفل بمرور سنه على ميلاده
انه لسه عايش فى الدنيا
ويارت عمل حاجه فيها
فكرة بضايقنى اصلا بحس كتير انى نفسى امسك ريموت كنترول
واعدى اليوم ده بسرعه علشان ماحسيش بحاجه
تحذير
ساعات كتير نفسنا بتحذرنا من ناس واحنا بنعمل نفسنا عبط
بتكون شايف بنى ادمين قدامك طبعين بس بتحس ان فى حاجه غلط هى ايه بقى
مش عارف؟
بس يا اما تتجنب الشعور ده وتتعامل عادى
يا اما تقبل الشعور ده وتمشى ورا احساسك
لانه غاليا هايكون صح
علشان ماتجيش بعد كده تقول ياريت اللى جرى ماكان
قرارات
قرارات كتير اخدتها
انا بؤمن بالعلامات وهامشى معاها
مش هاكسل اعمل حاجه تانى
صحابى دول ناس عزيزة قوى عليا كفايه استحملونى الفترة اللى فاتت
الفترة اللى ماكنتش فيها طايقانى بالمعنى الحرفى تخيلوا هما بقى
انا بؤمن ان الدنيا مرة واحده هتتعاش مش لازم بقى نعيشها فى كئابه
هى مش ناقصه اصلا
بس ساعات كده بتحس انك لازم تكتئب شويه عشلان تحس بطعم الفرح
شويه ماطوليش علشان الاكتئاب ده زى المغناطيس
لو دخلت فى مجاله يبقى كل سنه وانت طيب بقى
اكتر حاجه بضايقنى
انى دارسه الحاجات دى
كان نفسى ابقى عبيط القريه
كانى لسه بشوف واسمع الحاجات دى
كان نفسى دماغى تكون مريحه من حاجات كتير
واكون مش فاهمه احسن ما اكون فاهمه
انا بقول ايه
مش عارفه
بس مش عايزة اكسل تانى
اصل الكلام لما بيتحبس جوه
مهما كان مالوش لازمه بيخنق على روحك وبيجبلها تشوهات
وانت مش حمل تشوهات
كفايه عمليات تجميل للروح بقى
كفايه
شيماء حسن
2009
هناك تعليق واحد:
تدوينه هايله وكلام جميل :) وتحسيه لايق على كل الناس
عندك حق اوى فى جمله... هو ايه الحاجه اللى بتيجى فى معادها.. للاسف مفيش حاجه بتيجى فى معادها
إرسال تعليق