كان فى الاصل فكرة -28

الاول كانت فكرة بسيطه جدا خالص
انك تدون اى حاجه تخطر على بالك كل يوم لمده شهر
عادى جدا صح
وعجبتنى الفكرة لانى كنت عايزة حد يزقنى اهتم بالمدونة وارجع اشخبط فيها تانى زى الاول
بغض النظر بقى هاطلع بايه من ده كله
بس كفاية كمية الناس اللى اشتركت واتعرفت عليهم وعلى كتاباتهم
ببقى مبسوطه اوى لما الاقى حد مش عرفنى بيعلق عندى على حاجه عجبتة
وابقى مبسوطه جدا لما بقرا لحد مش اعرفه واسلوبه يشدنى فيخلنى اطور من اسلوبى او حتى يطلعنى بفكرة من كتاباته
الفكرة دى دلوقتى بقيت كتاب ال 100 تدوينة

وكانت المعلومات اللى وصلى بعدها كالتالى:

كتاب المئة تدوينة هو كتاب إلكتروني يجمع 100 تدوينة من تدوينات شهر يونيو للعام 2011 الميلادي. مئة مدون ومئة تدوينة ومئات مئات القراء والمتفاعلين.

ابتداءً من الجمعة 1/7/2011 وخلال أسبوع نستقبل تدويناتكم على صفحة الترشيحات الخاصة بالكتاب, حيث الفرصة متاحة للدخول في قائمة التدوينات التي سيتم إجراء تصويت مفتوح عليها لاحقًا لتحديد التدوينات الـ100 الفائزة.

لترشيح إحدى تدويناتك تفضل بالدخول إلى صفحة الكتاب على بلوجر
...http://100posts-ebook.blogspot.com/

يتم قبول جميع التدوينات المترشحة مع مراعاة التالي:
1- أن تكون التدوينة ذات محتوى أصلي جيد, ومنشورة خلال شهر يونيو 2011
2- أن لا يكون فيها خروج عن الآداب العامة المتعارف عليها.
3- الحد الأقصى للتدوينات المترشحة من قبل المدوّن الواحد هو تدوينة واحدة لكل قسم من أقسام التدوينات "أدبية- اجتماعية- سياسية- أخرى" أي أنه يمكن أن يرشح أربع تدوينات مختلفة التصنيف.

آخر موعد لاستقبال الترشيحات هو بنهاية يوم 7/7/2011
ويرجى وضع شعار الكتاب في المدونات المشاركة والتنويه عنه

لمتابعة صفحة الكتاب على فيس بوك

http://www.facebook.com/100posts

عجبنى التطورات فى الفكرة وعجبنى الناس اللى بقيت اعرفها وفى منهم بقينا اصحاب كمان

وعجبنى كمية الابداع اللى بشوفها

ده غير التطورات فى الفكرة بقى يعنى ليه اخترت اسم المدونة كده وانت بتكتب ليه وعرفنا عن نفسك

وعجبنى اكتر روح الفريق اللى الناس دى عملها وظاهر اوى فى الجروب وفى الدعاية للكتاب

اتمنى بجد ان الفكرة تعجبكوا وتشتركوا فيها جميعا

مين عارف بكرة ممكن نتقابل ونتناقش ونعمل book club يبقى على مستوى الوطن العربى كله :)

شيماء حسن 28/6/2011