Powered By Blogger

السبت، 26 ديسمبر 2009

ارهاق بسيط


نانسى :انتى مالك شكلك فاصل ليه كده


ارهاق كل ماحد يسال بقول ارهاق
نوم بقلق واحلام سخيفه ومقلقه



نوران:لازم تروحى للدكتور يابنتى حرام عليكى نفسك

ساعات كتير بتقلب بكوابيس وبصحى بفتكرها كلها


دينا صبرى:انتى لسه تعبانه ؟ طيب فيكى ايه اتكلمى


الاضاءه خافته فى اوضتى بصحى مرعوبه من انعكاسات الضوء
وبقول ياترى ده كان حلم ولا حقيقه


احمد اخويا:حالتك بتدهور يوم عن التانى انتى مش شايفه عينك عملت ازاى انتى عمرك ماكنتى كده


الاسد رجع تانى بيطاردنى فى الاحلام
المرة دى راجع ومعاه القطيع كله


ماما:اخر مرة بصيتى فى المرايه كانت امتى؟
انتى مدركه اللى انتى بتعمليه فى نفسك؟

المرايه انعاكسات انعكاسات كل مرايه بشوف فيها نفسى بطريقه مختلفه
اخر انعكاس كنت عميا ومديت ايدى وشدينى لجوه المرايه
وصحيت مفزوعه

Jack : why ur eyes look so sad like this?get some sleep dear


قبل ما انام بفكر فى حاجات غريبه ممكن تحصل
اخر مرة حلمت بالمسرح بس ماكنش فى جمهور
وبتكعبل فى اخر خطوة للرقصه فى طوبه
ماعرفيش ظهرت منين



الدكتور:لو ماتحسنتيش على الدوا ده هانعمل تحاليل تانيه ونشوف
تعالى بعد اسبوع


الاضاءه خافته فى شارع ضلمه
وطيور طايرة فى كل اتجاه وبحاول اجرى
مش بعرف


عمرو :ركزى فى حاجه واحده بس ماتبقيش هائمه كده فى كل حته شويه
اركزى


وضع الثبات هو المسيطر
مفترق طريق واضاءه زرقاء وصوت نهر من بعيد
ولازم اختار
صوت دقات الساعه جاى من مكان ما
ومش مخلينى اركز اختار انهى طريق



احمد ندا: اذكرى ربنا كتير قبل ماتنامى علشان الرتابه هاتخليكى تنامى


الكعبه وصوت اذان من بعيد وطيارات بضرب قنابل من فوق
بس القنابل بتترد تانى للطيارات
والناس بيذكرورا ربنا جنبى وانا واقفه باصه للسما
بصحى على صوت الاذان مفزوعه


القطط بتاعتى : مياو مياو ميااااووو

متهيالى صوتهم وهما بيصحونى كل يوم من اثر حلم مزعج اخر


تك تك
تك تك تك
تك تك


ساعات كبيرة بحجم الحيطه فى كل مكان
وكل دقه بتعدى بطلع جواها طيور غريبه الشكل والمعالم
وبتفتح مرايات فى حتت تانيه
اضاءه من بعيد وصوت حد بيقولى ماتخفيش



المدير: انتى كويسه شكلك تعبان انهارده؟


لا ده مجرد ارهاق بسيط




شيماء حسن




الثلاثاء، 1 ديسمبر 2009

رغبات مكبوته


1- دائما تتسأل كيف تصحو وتنظر فى عينيه بعد قضاء اليل معه على ضوء الشموع كانت الفكرة تؤرقها اكتر مايؤرقها حقيقة أن تكون عارية معه على نفس الفراش
2-أوهمت نفسها بالعمل لكى تتناسى مشاعر الفقد بداخلها تناست نفسها فى دوامة العمل الى ان صارت الشعيرات البيضاء تغطى رأسها
3-قرات أن الرغبات المكبوتة تصنع كوابيس مميتة لاتدرى لما تذكرت هذه الجملة بعد أن استيقظت من حلم غريب وهو يقتحم غرفتها ويأتى اليها منفعلا ويقتلها بعد ان تجاوزا معا حدود

4-لا تعلم سر فصل الشتاء الذى يحرك رغباتها ربما لانها تحتاجه بجوارها يحتضنها عندما تمطر لاتدرىولكنها تكره هذا الفصل الذى يذكرها دوما بأنها لاتحتضن سوى نفسها

5-عندما حاولت ان تنام أصابتها برودة الفراش الخالى بجوارها بالارق واصبحت تقلباتها فى فراشها أكثر من عدد دقات قلبها
6- رغباتها التى طالما كبتتها تظهر فقط فى أحلامها وعندما تدرك هذه الحقيقة المفزعة تنتابها نوبة من الاكتئابثم تكتئب اكثر عندما تمنعها تلك النوبة من المنفذ الوحيد لرغباتها ...النوم


شيماء حسن
جريدة الدستور
ضربة شمس26/11/2008

السبت، 28 نوفمبر 2009

ملاكى الحارس


هل تؤمن بالملاك الحارس؟

انا اؤمن به

ملاكى الحارس । هى فقط من تسطيع ان ترشدنى للطريق الصحيح

هى معى منذ طفولتى ترعانى وتؤنسنى فى حياتى

هى من علمتنى ان الحياة مثابرة ولا انجرف للحزن الذى يمتلكنى

هى الوحيده التى استطاعت ان تروض الجنون الذى بداخلى

ملاكى الحارس كانت بمثابه عرافتى التى احتفظ بها لنفسى

احبها كثيرا

وربما لا استطيع ان اعبر لها عن ذلك

وفى مقابل ذلك اظهر العكس.।اظهر بعدم الاهتمام

وتسامحنى

وارجع ثانيه فى الجفاء

وبما انها ملاك فكنت احسدها على تفهمها لى واحتوائى

فغيرها كانت تنازلت عن تلك المهمه الشاقه فى ترويض نفس لا استطيع انا ان اروضها

هى

كانت السبب فى ان اكون انا

طفله فضوليه كنت وكانت بمثابه نبع المعرفه لى

امى كانت ولا تزال هى

هى فقط معها اشعر باننى كائن من الممكن ان يحبه احد بكل تناقضه

عزيزتى

قد تاخرت كثيرا فى كتابه هذه السطور اليكى

ربما لا استطيع ان اعبر بكلامات عن حبى وامتنائى الشديد لكى

ربما اريد ان احتفظ بملاكى الحارس لى انا فقط

ربما اخاف ان تخوننى الكلامات فتصبح بلا معنى

ربما

كل هذه احتمالات لا اتستطيع ان ننكرها

الا انكى الحقيقه الواحده فيها

انتى فقط

بكل بساطه

امى

وصديقتى

وملاكى الحارس

انتى

يا اختــــــــى :)


شيماء

الأحد، 22 نوفمبر 2009

البلوفر الاسود

كيف ابدا حكايتى مع البلوفر الاسود
فهو سبب من اسباب عشقى للشتاء।انتظر كل شتاء لكى اخرجه من الملابس الشتويه يكون اول من اخرجه واخر ما اضعه وانا اوضع الشتاء।
بدا حكايتى معه وانا فى الصف الثانى الثانوى, كنت امل فى يوم من الايام ان امتلك هدوما سوداء ولكن امى كانت تأبى لذلك
وعندما اتى رمضان وارتديت الحجاب وقتها قررت ان اشترى ملابس العيد بلوفر اسود
وكالعاده امى رفضت ذلك الى ان توفيت خالتى رحمها الله فى رمضان
ودخلت فى موجه اكتئاب كان على اثارها ان امى بدات فى اقناعى بان اشترى ملابس العيد والالوان التى اريدها
اتذكر وقتها اننى كنت انزل اتجول فى الشوارع واقول لها لا يوجد ملابس قد اعجبتنى
الى ان جاء تلك اليوم
كنت مارة من ذلك المحل وقد وجدته معلق وحيدا । شعرت به ينادينى
بلوفر اسود متفرد من نوعه لا يوجد الوان اخرى له واخر قطعه
لمست ملمسه برفق وانا استشعر الدف المنبعث منه
شعرت بانه كان ضائع منى ووجته ثانيا
بدون تفكير اشتريته ونظره اندهاش من البائعه لاننى لن اقيسه وقتها فقط اخذته منها وانا اضمه اليا طالبه منه الدف
فى طريق العوده لن اشعر اننى اشتريت ملابس العيد
فهو ارتبط معى بوفاه خالتى رحمها الله
وتحقيق امنيتى فى امتلاك بلوفر اسود
و الحنين لشئ ما لا اعرف كهنته
بلوفرى الاسود العزيز
قد عانيت معى خلال سبع سنوات من حياتى
فشكرا لك

الأحد، 1 نوفمبر 2009

نوفـــــــــمبر


فيروز
دائما ما اقول لكى تنعم بصوت فيروز الملائكى يجب ان تسمعه فى الشتاء



رائحه المطر بالخارج. تتزامن مع اول نوفمبر
ربما قد تكون امطرت فى مناطق اخرى ولكننى لن ارى المطر الا حاليا
مازال نوفمبر يحمل فى جعبته الكثير لى
فمهما اختلافنا فهو اعز الشهور الى قلبى
وليس السبب اننى ولدت فى هذا الشهر ولكن السبب انه دائما مايتزامن معى بالشتاء
وكم احب هذا الفصل
بما يمثله بالهدوء فى النفس والحنين الى شئ ما لاتدرى ماهو

فقط عندما شممت رائحه المطر وشعرت بانه قادم لا محاله الليله بعد ساعات بعد دقائق
احسست بهدوء وراحه نفسيه
المطر الوحيد القادر على غسل الروح من شوائبها طوال العام
وكم احتاج الى هذا الشعور

1\11\2009
شيماء حسن

مج قهوة


الموضوع كله ابتدا بمج قهوة


الساعه 2 الصبح صحيت .وكالعادة يعنى هنام الصبح على 9 او 10 وهاصحى المغرب وهكذا


قررت انى اشرب مج قهوة .اللى مابحبهاش اصلا بشربها ايام الامتحانات بس


واغير نظام حياتى .اكسر الروتين يمكن المود يتغير شويه


عملت القهوة ووقفت فى البلاكونة اسمع فيروز


صوت فيروز مع لسعات البرد حسسونى انى قرارى كان صح من البدايه

كل ما الشتا يقرب كل ما المود بتاعى يتظبط


بس فى مشكله هاعمل ايه طول الليل والنهار اللى جاى كمان ساعه ده؟


اكتب شويه


لا ماليش مزاج كالعادة يعنى


طيب تخلصى حاجات الكورس


ربع ساعة الحاجات خلصت


طيب ايه ؟


مافيش غير الدعبسه فى الاوراق القديمة

بدات اطلع ورق قديم ليا

يالله على دى ايام

ورق من ايام ابتدائى واعدادى

امضاء صحابى على كشكول قديم.نوت قديمه فيها كلام مختصر مش عارفه معناه دلوقتى

خطى اللى زى نقش الفراخ على رائ استاذ ابراهيم الله يمسيه بالخير

وكانت دايما حجتى

ان ده خط العباقرة .اينشتاين ماحدش عرف يقرا النسبيه علشان خطه :)

الصبح طلع وانا لسه بدعبس

قمت عملت فطار

ياااااااه من زمان قوى معملتش فطار ولا فطرت

اكلت القطط ولعبت معاهم

ووقفت فى البلاكونه ابص للشمس الى بدات تستخبا ورا السحاب

كانت على وشى ابتسامة مش عارفه سببها ايه

بس ده اكد لى ان قرارى كان صح

طيب اليوم لسه طويل

خلاص بقى هاكمل الحاجات اللى سبتها افكار بس

وقولت اسجل اليوم ده

اليوم اللى بدا بمج قهوة باللبن

و قررت فيه قرار ونفذته .وسعيده بتنفيذه

على امل ان قراراتى فى المرحلة اللى جاية تتنفذ وابقى سعيدة وانا بنفذها



صباح الخير


شيماء حسن

1\11\2009

1ظهرا






السبت، 31 أكتوبر 2009

الرحيل


ياالهى

كم انى اتمنى الرحيل

الى اي مكان الوصول الية مستحيل

ارحل بعيدآعن كل طريق قد مشيته يوما

فقط...

للتغير

اريد ان ابحث عنى انا

اريد راحة من التفكير‏

الأربعاء، 28 أكتوبر 2009

بالامس قد حلمت بك وسردت لك حكاية


بالامس قد حلمت بك
كنت تغدو كفراشة مازالت فى عمر التكوين
مازالت فى اليرقة منتظرة حريتها
وكنت أنا عقلة الأصبع
اسرد لك الحكايات لاسليك لكى لا تشعر بالملل
كنت تطلب منى ان احررك
وارفض
لا تستطيع ان تدرك انى بذلك اقتلك
يجب ان تتحرر من شرنقتك بنفسك لكى يقوى جناحك
اسرد لك حكاية الدبة التى قتلت صاحبها
تقول لى انك متفهم الامر
ولكنى ارى فى عينيك غير ذلك
اسرد عليك حكايات كثيرة
ولكنك تفضل حكاية القط الشيرازى والنبع
تقول الحكاية
ان هناك فى بلاد بعيدة
قط شيرازى فتح عينيه وجد نفسه وحيد بجوار نبع مياه
كان لايعرف شيئآ ولكن عندما اقبل المساء
كانت خطوط من النبع تنجرف اليه بالطعام
كان خائفآ ولكن عقله الصغير صور له ان النبع امه تحاول ان تطعمه وتعلمه الحياه
فبدأ ينتظرها يوميآ يتعلم منها وفى الصباح يفعل
ماتعلمه فى الليل
ظل القط الشيرازى ايام على هذا الحال
يأكل السمك ليلا الذى يعطيه اليه النبع
ويصطاد الحشرات ويمرح فى الصباح
وجاء يوم قد ادرك القط الشيرازى قوة وكبر حجمه
فاأحب ان يغادر النبع وتطلع الى ما وراءه
ولكن كيف وهذا النبع يحجب عنه الطريق
احب ان يفاتحه مرة فيما يفكر فيه ليفسح له المجال للمغادرة
ولكن النبع امتنع عن السمك وتغير لونه للأسود صباحآ
ادرك القط الشيرازى انه سجين هذا النبع
ويجب ان يتحرر منه
عاد القط الشيرازى لعادته القديمة كأنه يصالح النبع
وعاد النبع معه مثل الاول
فى تلك الايام كان القط يبحث عن مصدر النبع لكى يسده
وفى احدى الصباحات وعندما كان يصطاد الحشرات من على الاشجار
وجد اصل النبع واندهش من ضغرة بالنسبه لنبع
وجال فى خاطرة خطة
وفى المساء بعد وجبة السمك ودع النبع ونام بعيون يقظة
فى الصباح الباكر جرى القط الشيرازى واحضر صخرة صغيرة بجوار مصدر النبع
وقام بسده
كاد النبع ان يمنعه
بصرخة من اسماكة الصغيرةولكن قوة القط جعلته ينفذ خطة بنجاح


الى هنا اراك عزيزى وقد اتسعت ابتسامتك
وبدأت تضحك مع ظهور اجنحة الفراشة وبدات ان تطير
اولا طرت بالقرب منى بعدها قد اخذتك الوانك الزاهية الى ان تطير عاليا ليراك الاخرون وتتباهى بنفسك
عزيزى كنت اعلم هذا منذ البداية لا احد يحب اليرقات وشكلها فى الشرنقة
ولكنك الان صرت فراشه يانعة
فالكل اصبح يحبونك

الا تعلم عزيزى
نهاية حكاية القط الشيرازى والنبع
لن تدعنى اكملها لك
فبعد ان اغلق مصدر النبع بدأ القط الشيرازى فى الذوبان
وبدا كل شئ امامة يتحول الى ماء
وادرك فى آخر نقطة مياة تسقط منه
ان النبع كان وحيدآ فجاء بيه من احشائه ليؤنس وحدته
الا تدرك عزيزى ان النبع كان يحاول ان يحمى القط من نفسه
لا يريد ان يقول له
انك اذا اخترت حريتك سوف تكون حرية ابديه

الا تعلم انك تفعل معى هذا الان
مصير الفراشة مرتبط بعقله الاصبع
اذا طارت عاليا لكى تبتعد سوف تصطاد من قبل جامعى الفراشات
وهذا سيرجعنى هيئتى البشرية
ووقتها سوف نفترق للابد


وبكلمة للابد كنت قد استيقظت من النوم
مستغربتآ هذا الحلم العجيب
وعندما استرجعتة ادركت حقيقة مفزعة
ان مصائرنا مرتبطة بموت احدانا على يد الاخر


شيماء حسن
6\7\2008
5:30صباحآ

الاثنين، 26 أكتوبر 2009

قس الاعترافات


جربت قبل كده الاحساس ده
ان انت تتكلم من غير ماحد يقاطعك فى الكلام
تتكلم من غير ما اللى ادامك يشوفك
ولا انت تشوفه
تتكلم وتتعمق فى حياتك
وانت عارف من جواك ان اللى ادامك مش هايشوفك تانى ولا هاتشوفه
زى كده لما تسافر فى حته واللى راكب جنبك يفتح معاك قصه حياته
عارف انه مش هايشوفك تانى
كانها كده جلسه علاج نفسى بالمجان
او زى مابنضحك على بعض ونقول فضفضه
تفتكر ايه اللى ممكن يوصلنا لكده ؟
ان مافيش حد بيحترم اوقات صمتنا
ان كل شويه حد يدخل ويقولك كفايه بقى انت مكبر الموضوع
انا مريت بالى انت فيه ده قبل كده
انت كئيب قوى كده ليه
انت مالك
انت كويس

اسئلة اسئله اسئله
وانت مش بتجاوب
عايز تتكلم من غير مقاطعه
من غير ماحد يقولك معلش او الموضوع هايعدى
من غير ما الى قدامك يشوفك وانت بتعيط او يشوف تعبيرات وشك
مكان
او شخص
او حتى شخصيه وهميه
تقدرتتكلم من غير ماحد يقاطعك
من غير ماحد يستهيفك او يقول عليك شرير
تتكلم مرة واحده من غير ماحد يفتح معاك الموضوع تانى
علشان كده

انا بحلم بقس الاعترافات
25\10\2009

السبت، 24 أكتوبر 2009

علامـــــــــات



كنت لا اعرف فأصبحت اعرف
ليس الكثير ولكن فى حدود ان اظل عبيط القرية

دائما ما كنت ارى اننى فى غربه فى ارض غريبة
دائما ماكنت استمع الى كلمه(فى المكان الصح فى الوقت الغلط)
كانت تستحضرنى عندما ارى ما لا يراه الاخرون
اشعر بروحى هائمه ومتقلبه
فى احيان كثيرة ارى العلامات واهتدى بها
اؤمن بها وبشده.وبأنها هبه من عند الله لترشدنا اذا ضللنا الطريق

مررت وشعرت بعدة مواقف وحكايات عدة
اريدها ان تظهر للنور احيانا لاتسعفنى الكلمات
والتعبير عنها
فقط
لاننى لا اعطيها اهتمام كافى
او
كعادتى
اكسل فى تكملتها
فانا بطبعى اكره الملل واكره الروتين
واعشق التغير بشرط ان يكون نابع من قرار منى انا
وليس من احد
اعشق اليل والشتاء والمطر والبحر
وقد عرفت مؤخرا
ان الطبيعه فيها شئ ما قد سرق ماتبقى من عقلى
فبطبيعه البحر والجبال التى قد رأيتها فى مطروح
جعلتنى اتوهم اننى عشت هناك من قبل فى حياة اخرى

طبيعة برجي العقرب ومميزاته التي لا تخفي عيوبه
فقد اصبحت عندما اقابل اناس جدد واتعرف عليهم
سرعان مايتسألون
هو انتى برج ايه؟
واندهش بفوز فى عيونهم وانا اعترف باننى برج العقرب
"ما احنا توقعنا كدة برضه"
كأن الابراج تفضح عن مكنونات اشخاص لا تعرفهم
اذا كانت كذلك لما كل هذة الحيرة فى التعرف على اشخاص اخرون ومعرفه بما يفكرون وماهى طبيعة حياتهم؟
الا يكفى سؤال انت برجك ايه؟
وينتهى كل هذا العبث


احتمال ان اكون قد تغيرت من خمس سنوات قد مضت
لا ادرى كيف مضت
احتمالات واردة جدا
تغير حدث بمفعول الوقت والاخر جذرى
عرفت ذلك عندما ارى صديقة قديمه لم اراها منذ سنوات
تقول لى باندهاش شديد"انتى اتغيرتى قوى"
وكل ما اتسال "ازاى يعنى"
تقول"مش عارفه بس حساكى اتغيرتى
هو هو انتى بس فيكى حاجه متغيرة"
اضافت علامه استفهام اخرى فى حياتى بأجابتها لسؤالى

احتمال ان اكون تغيرت منذ لحظة كتابة هذة السطور والآن
احتمال وارد
ولكنى لا احبذه
احب التغير لكى لا اصيب نفسى بداء الملل
ولكن التغير المستمر سوف يصيبها بانفصام
وهذا شئ ليس مستبعد حاليآ

علامــات
فى اشياء كثيرة تحدث لنا.بدون اى تفسير
ونتعجب منها .ربما ندعها فى دوامة الحياة
ولكن تظهر لنا فيما بعد باشياء اخرى .تلمه فى اذهننا الاولى
انها تلك العلامات التى تمهد لحياتنا

وانا لااملك حاليا الا العلامات
وحكايات تلك العلامات فى حياتى


2008

شكر خاص

حبيت ابدا المدونة بشكر خاص
لاصدقائى اللى تعبوا معايا جدا لخروج كتاباتى المتواضعة للنور

اميرة انور _بوسى صبيح_دينا جلال_دينا صبرى_اميرة حسن_نوران حافظ
محمد طارق_ احمد كمال_معتز زكى_محمود بلال_مصطفى ابراهيم

وشكر الاكبر لاختى اللى كانت السبب فى انى اؤمن بالعلامات واكون انا

وطبعا الشكر الاكبر
لصاحب الفضل انى اطلع المدونة بالشكل ده. والوقت ده
عبد الله غنيم

خايفة اكون نسيت حد بس الاكيد هما عرفين نفسهم
بجد شكــــــــرا

شيماء حسن