لاحظت فى الفترة الاخيرة لما بدات اهتم بالمدونة
واكتب حاجات جديدة او حتى انزل حاجات قديمة حسيت ان حياتى بقت مشاع
وافتكرت فاروق جوديه لما كان بيقول
لانك سر
وكل حياتى مشاع... مشاع
وارضى استبحيت
ولا عدت املك فيها زراع
كأنى قطار
يسافر فيه جميع البشر
فقاطرة لاتمل الدموع
وأخرى تهيم عليها الشموع
وايام عمرى غناوى السفر
وده خلانى اتسال
طيب هى دى حاجه حلوة ولا حاجه وحشة؟
طيب انا دايما بعتبر المدونة بتاعتى اوضتى وبشخبط فيها
حاجه حلوة انى اشخبط براحتى
وحاجه وحشه ان الشخبطه دى تبقى مشاع !
واحده صاحبتى اوى قالتلى مرة زمان
انتى احلى حاجه فى كتابتك ماحدش بيعرف ان ده حقيقة ولا خيال
بتجيبى حاجه من الحقيقة وتلخبطيها فى قصة من عندك
ودى حاجه حلوة انك تخلى القارى يفكر
صديق ليا من ايام ثانوى اطلق عليا اسم ميشو جاميكا وعمرى ما انسى له الكومنت ده لما قالى
اسلوب غريب بتاخد الواقع وتخرج به للخيال احساسيس بتخلى الواحد كانه فى لعبه دريم بارك
بيحس بعد القرايه انه راسه بتلف
فى الفترة الاخيرة لما جالى زهق من الكتابه او حتى انزل حاجه جديدة قولت لازم اتك على نفسى شويه علشان مش ازهق تانى
فقرت انزل حاجات قديمه
مشروع قصص للاطفال وحكايات خياليه تانية
لاحظت ان تاريخ اللى فنهايه كل قصه كان فى 2008 وخصوصا شهر 7 او 8
قعد اجمع هو حصل ايه فى 2008 خلانى يجيلى زهو الكتابة ده؟
وافتكرت ان دى السنة اللى بعد الاكتئاب العظيم
اها ماهو فى سنة الاكتئاب العظيم وفى سنة بعد الاكتئاب العظيم
السنه دى اتعرفت على ناس جديده فى صفحة ضربة شمس فى جرنال الدستور
وكلنا كنا بنشجع بعض على الكتابة
فى منهم اللى كمل وفى منهم اللى اختفى
الغريب انى لما بفكر هو ايه اللى حصلنا ايه اللى خلانا كل واحد يبعد
بلاقى دايما حلقه مفقودة
وببص على كل واحد من الجروب ده دلوقتى الاقيه عايش فى ملكوت ربنا مع نفسه
فى نوع من القسوة حصلت لهم بعد الثورة
وفى نوع من عدم الاهتمام بأى حاجه حلوة كنا بنحلم بيها كلنا
ادام ده هايجى على حلمى فاايه المانع
كل التساؤلات دى بتخلينى ارجع تانى لنقطة
الحقيقة اللى بقولها وهى فى مجملها خيال
ساعات مابعرفيش افصل مابينهم وبحط نفسى فى مكان اللى بكتب عليه وبعقد فترة علشان افصل من الشخصيه
طيب لو خيرونى فى يوم من الايام ومشيت على الخط الفاصل مابين الخيال والحقيقة ده
هل اتزانى هايختل؟
طيب لو هايختل ووقعت ياترى هاروح لانهى اتجاه؟
الخوف من الاثار اللى سبتها فى روحى سنة الاكتئاب العظيم اختار الخيال :)
وتبقى بقى قصص واقعية من وحى الخيال
وابقى كده ميشو جاميكا رسمى
مين عارف ؟
شيماء حسن
26/6/20011
طبعا الكلام اللى بالخط الموف للشاعر فاروق جويده
من قصيده ولاشئ بعدك
واكتب حاجات جديدة او حتى انزل حاجات قديمة حسيت ان حياتى بقت مشاع
وافتكرت فاروق جوديه لما كان بيقول
لانك سر
وكل حياتى مشاع... مشاع
وارضى استبحيت
ولا عدت املك فيها زراع
كأنى قطار
يسافر فيه جميع البشر
فقاطرة لاتمل الدموع
وأخرى تهيم عليها الشموع
وايام عمرى غناوى السفر
وده خلانى اتسال
طيب هى دى حاجه حلوة ولا حاجه وحشة؟
طيب انا دايما بعتبر المدونة بتاعتى اوضتى وبشخبط فيها
حاجه حلوة انى اشخبط براحتى
وحاجه وحشه ان الشخبطه دى تبقى مشاع !
واحده صاحبتى اوى قالتلى مرة زمان
انتى احلى حاجه فى كتابتك ماحدش بيعرف ان ده حقيقة ولا خيال
بتجيبى حاجه من الحقيقة وتلخبطيها فى قصة من عندك
ودى حاجه حلوة انك تخلى القارى يفكر
صديق ليا من ايام ثانوى اطلق عليا اسم ميشو جاميكا وعمرى ما انسى له الكومنت ده لما قالى
اسلوب غريب بتاخد الواقع وتخرج به للخيال احساسيس بتخلى الواحد كانه فى لعبه دريم بارك
بيحس بعد القرايه انه راسه بتلف
فى الفترة الاخيرة لما جالى زهق من الكتابه او حتى انزل حاجه جديدة قولت لازم اتك على نفسى شويه علشان مش ازهق تانى
فقرت انزل حاجات قديمه
مشروع قصص للاطفال وحكايات خياليه تانية
لاحظت ان تاريخ اللى فنهايه كل قصه كان فى 2008 وخصوصا شهر 7 او 8
قعد اجمع هو حصل ايه فى 2008 خلانى يجيلى زهو الكتابة ده؟
وافتكرت ان دى السنة اللى بعد الاكتئاب العظيم
اها ماهو فى سنة الاكتئاب العظيم وفى سنة بعد الاكتئاب العظيم
السنه دى اتعرفت على ناس جديده فى صفحة ضربة شمس فى جرنال الدستور
وكلنا كنا بنشجع بعض على الكتابة
فى منهم اللى كمل وفى منهم اللى اختفى
الغريب انى لما بفكر هو ايه اللى حصلنا ايه اللى خلانا كل واحد يبعد
بلاقى دايما حلقه مفقودة
وببص على كل واحد من الجروب ده دلوقتى الاقيه عايش فى ملكوت ربنا مع نفسه
فى نوع من القسوة حصلت لهم بعد الثورة
وفى نوع من عدم الاهتمام بأى حاجه حلوة كنا بنحلم بيها كلنا
ادام ده هايجى على حلمى فاايه المانع
كل التساؤلات دى بتخلينى ارجع تانى لنقطة
الحقيقة اللى بقولها وهى فى مجملها خيال
ساعات مابعرفيش افصل مابينهم وبحط نفسى فى مكان اللى بكتب عليه وبعقد فترة علشان افصل من الشخصيه
طيب لو خيرونى فى يوم من الايام ومشيت على الخط الفاصل مابين الخيال والحقيقة ده
هل اتزانى هايختل؟
طيب لو هايختل ووقعت ياترى هاروح لانهى اتجاه؟
الخوف من الاثار اللى سبتها فى روحى سنة الاكتئاب العظيم اختار الخيال :)
وتبقى بقى قصص واقعية من وحى الخيال
وابقى كده ميشو جاميكا رسمى
مين عارف ؟
شيماء حسن
26/6/20011
طبعا الكلام اللى بالخط الموف للشاعر فاروق جويده
من قصيده ولاشئ بعدك
هناك تعليقان (2):
صراحه انا من مؤيدى حكايه ان المدونه ده مكانك الخاص
تعملى فيه اللى انتى عايزاه
مش فارقه بقى تكتبى حاجه شخصيه تكتبى حاجه عامه
المهم انك تكتبى
الاجمل انك تخلطى الواقع بالخيال
ساعتها هتبقى انتى بس اللى عارفه ايه اللى من جواكى اوى وايه اللى خيال
ملعونة القسوة فى كل ملة وزمان
إرسال تعليق