Powered By Blogger

الثلاثاء، 31 مايو 2011

just like heaven


with you ... life it always like a dream

31/5/2011

الفكرة فى حد ذاتها مغرية -1



بالصدفة البحته على الفيس لاقيت حد من اصدقائى عامل شير للحملة التدوين لشهر 6
الفكرة حلوة جدا ومغرية جدا للكتابة

ايام امتحانات اصلا بتحفز انى اكتب وكمان اكتب كل يوم(ياسلام ياولاد) هاحاول طبعا انى اعمل كده والاهم ان لاقيت حاجه فعلا تشجعنى انى اكتب بغض النظر حد هيقرا ولا لا بس انا مع نفسويتى كده من جوه هاحس انى لازم افضى نفسى كل يوم واكتب ومن هنا لاخر شهر 6 مين عارف ممكن اكمل فعلا فى الموضوع ده قولوا يارب


شيماء حسن 1-6-2011

الاثنين، 16 مايو 2011

الطريق الى جهنم مفروش بالنوايا الحسنة


لتكتب,لا يكفى ان يهديك احد دفترا واقلاما بل لابد ان يؤذيك الى حد الكتابة.
فنحن لانكتب كتابا من اجل احد بل ضده
.
احلام مستغانمى _عابر سرير



الطريق

فى كل مرة كنت بتمشى فيها كنت بتمنى ان الطريق يطول عن كده , الساعات بتتحول دقايق والدقايق بتبقى ثوانى وفجاة بنبقى عند مفترق طريق والدنيا ساعاتها بتوقف عندى على مسارات حياتك ولما اقولك ان فى كل مرة بحس ان روحى بتطلع منى متفتكرش ان ده تهويل
الحاجات اللى بتسبهالى منك بتخلينى على يقين اننا مهما بعدنا لقانا قريب.
ابقى فكرنى وانت ماشى اتنازلك عنها علشان اعرف اتنفس تانى




جهنم

اكتر حاجه اللى ممكن تقلب الحياة لجهنم على الارض هى انك تلاقى اقرب الناس ليك مش فاهمك
وانت ذكائك خانك لما صورلك ان انت ممكن تكون فهمتني
وابقى صدقنى لما اقولك ان انت اغبى بنى ادم شوفته فى حياتي علشان مش قادر ولا عايز تفهم ان كل مرة بتتمادى بعدم فهمك ليا بتأذينى



النوايا الحسنة


النضارة صدت من كتر الدمع اللي نزل عليها
ومش لاقيه اجابة تمنعه
يارب انت اللى عارف انا نيتى كانت ايه وانا مش قادرة افهم حكمتك ايه المرة دى؟
بس ياريت اعرفها قريب قبل ما دماغي تصدى من كتر الاسئلة.
اللي اقدر اعمله دلوقتي انى ابعد عنك
ومهما كان البعد ده هايطلع روحي بتفاصيلك اللي ماليه حياتي
بس ها يريحك



الاثنين
16/5/2011

شيماء حسن