بيقولوا خير اللهم اجعله خير ان عندنا فرح ايوانننن بالظبط كده فرح اخويا يوم الاربعاء الموافق 8/6/2011 واللى مايعرفيش عائلتنا الكريمة كويس هايستغرب جداااا ان فى عندنا فرح
اخويا اللى فرحه كمان يومين ده كان من سنتين بالظبط كان فى العناية المركزة بين الحياة والموت فاحنا استكفينا بما فيه الكفاية بسنين من ليالى الحزن فالغريب بجد ان يكون عندنا فرح ده غير اننا فرع العايله المهمش نظرا لاننا كنا معظم حياتا بره مصر ورجعنا واحنا كبار فمنعرفيش عاليتنا اوى يعنى بشفهوم فى المناسبات وغالبا مابتكون عزاء :(
اول مرة اشوف الكميه الكبيرة دى من افراد عاليتنا وناس مبسوطه بجد مش جايه تجز على سنانها وتجامل وخلاص الناس المبسوطه اوى دى كل ماحد يدخل يسلم عليا يقولى يااااه انتى كبرتى اهوه وبقيتى عروسه
وانا الزهايمر عندى شغال الله ينور مش فاكرة اصلا ان شوفت الاشخاص دول قبل كده
اكتشفت فعلا مدى بساطه الناس دى وهى بتعبر عن فرحتها بقل حاجه ممكنه بايديها تعملها اللى بيروق واللى بيعمل الاكل مع ماما واللى قاعده بتزغرط واللى قامت فجاة رقصت الجو ده حسسنى اننا عندنا فرح من زمان اوى ماحستيش بالكمية الطاقه الايجابية دى فى بتنا علشان كده التعب اللى بيجيلى باليل قبل ما انام من ترويق وتنضيف وشقلبه البيت راسا على عقب مايسويش حاجه لما افتكر اخويا اول ما جاب البدله وكان بيقسها ادامنا عينيا دمعت من الفرحه
او ضحكه طالعة من قلب ماما وهى واقفه بتطبخ طبيخ الفرح زى ماهى بتقول
او نكته قالها بابا واحنا بنروق كان قصده فيها يوقعنى انا واختى فى بعض وناخدها ضحك نخلى الشارع كله يسمعها الحاجات البسيطه الصغيرة دى هى اللى مخليانى مش قلقانه من امتحاناتى اللى هاتبدا يوم الاحد اللى جاى لانها بكل بساطه بتدينى تفائل وطاقة ايجابية انى اقدر فى عز الزحمه دى اعقد اذاكر وعلى وشى ابتسامه كبيرة
وسمعونا زغروطه بقى
وعقبال عندكوا :)
شيماء حسن
6/6/2011
11:00 مساءا
اخويا اللى فرحه كمان يومين ده كان من سنتين بالظبط كان فى العناية المركزة بين الحياة والموت فاحنا استكفينا بما فيه الكفاية بسنين من ليالى الحزن فالغريب بجد ان يكون عندنا فرح ده غير اننا فرع العايله المهمش نظرا لاننا كنا معظم حياتا بره مصر ورجعنا واحنا كبار فمنعرفيش عاليتنا اوى يعنى بشفهوم فى المناسبات وغالبا مابتكون عزاء :(
اول مرة اشوف الكميه الكبيرة دى من افراد عاليتنا وناس مبسوطه بجد مش جايه تجز على سنانها وتجامل وخلاص الناس المبسوطه اوى دى كل ماحد يدخل يسلم عليا يقولى يااااه انتى كبرتى اهوه وبقيتى عروسه
وانا الزهايمر عندى شغال الله ينور مش فاكرة اصلا ان شوفت الاشخاص دول قبل كده
اكتشفت فعلا مدى بساطه الناس دى وهى بتعبر عن فرحتها بقل حاجه ممكنه بايديها تعملها اللى بيروق واللى بيعمل الاكل مع ماما واللى قاعده بتزغرط واللى قامت فجاة رقصت الجو ده حسسنى اننا عندنا فرح من زمان اوى ماحستيش بالكمية الطاقه الايجابية دى فى بتنا علشان كده التعب اللى بيجيلى باليل قبل ما انام من ترويق وتنضيف وشقلبه البيت راسا على عقب مايسويش حاجه لما افتكر اخويا اول ما جاب البدله وكان بيقسها ادامنا عينيا دمعت من الفرحه
او ضحكه طالعة من قلب ماما وهى واقفه بتطبخ طبيخ الفرح زى ماهى بتقول
او نكته قالها بابا واحنا بنروق كان قصده فيها يوقعنى انا واختى فى بعض وناخدها ضحك نخلى الشارع كله يسمعها الحاجات البسيطه الصغيرة دى هى اللى مخليانى مش قلقانه من امتحاناتى اللى هاتبدا يوم الاحد اللى جاى لانها بكل بساطه بتدينى تفائل وطاقة ايجابية انى اقدر فى عز الزحمه دى اعقد اذاكر وعلى وشى ابتسامه كبيرة
وسمعونا زغروطه بقى
وعقبال عندكوا :)
شيماء حسن
6/6/2011
11:00 مساءا
ليست هناك تعليقات:
إرسال تعليق