بما انى فى ايام وامتحانات وكده يعنى فقررت انى اكتب عن ايام الامتحانات
ايام الامتحانات بالنسبالى بحبها جدا بس فى الشتا مش فى الجو ده
بحبها ليه بقى بحس فيها انى بعمل حاجه فى يومى بيكون متنظم على حاجات معينه الصحيان بمعياد والنوم بميعاد والاهم بقى الدلع اللى بكون فيه فى البيت ايام
وده بيختفى تماما مع اخر يوم امتحانات بعد ما اطلع من اللجنه على فكرة
بيجى التليفون ونص المكالمة كالتالى
عملتى ايه
الحمد لله طيب
ياله بقى متتاخريش زى كل مرة وهاتى معاكى كذا وكذا وكذا وانتى جايه
.........
الو انتى روحتى فين
لا مفيش ياماما
طيب ياله بقى سلام
سلام
وهكذا اذن بينتهى فترة الدلع نرجع لايام الامتحانات تانى
زمان كنا بنقول انا ونوران صاحبتى بلاش تدخل فى اى علاقة او مشاريع فاشله ايام الامتحانات
وعاملنا زى نظريه كده ان الطالب المكافح اللى زينا كده بيجى ايام الامتحانات وتحس انه تحول الى بنى ادم رقيق ورهيف المشاعر لذلك فهو بينجذب لاى اهتمام صادر من اى كائن حى حتى لو كان بتاع الفول اللى على الناصيه وهو بيقوله صباح الخير وهو رايح الامتحان :)
بما انى بكرة عندى امتحان والماده لاول مرة افتحها من كام يوم وده مش بايدى والله ده بس لظروف فرح اخويا مش اكتر فحبيت ادعبس انا كنت بعمل ايه زمان ايام الامتحانات فلقيت ايام ثانوى عامله يوميات من اول مابصحى لحد ما انام كاتبه انا عملت ايه فى خلال اليوم فلاحظت انى مش ببدا اذاكر بذمه الا فى الاخر وده خلانى اتسال هو انا لازم اتزنق علشان ازاكر ماينفعيش اعقد زى باقى البنى ادمين كده وازاكر براحتى ؟
كل اللى بفكر فيه دلوقتى مش الامتحان بتاع الدكتور المريب بتاع مادة بكرة لا بفكر الجو ده فى حلوان هايكون عامل ازاى ؟
هاعمل فيه ايه فى اللجنه بما ان لجنة الدراسات العليا فى مدرج 3 واللى مايعرفوش مدرج 3 ده مدرج كبير جدا والمراوح اللى فيه مابتعمليش حاجه غير انها تطلع صوت :(
يعنى هاتسلق بكرة فى اللجنة :(
انا كده استريحت نفسيا الى حد ما انى وصلت للتدوين اليوم 11 وانا بكتب بغض النظر انا بكتب ايه بس بكتب وده فى حد ذاته شئ كويس علشان الكلام لمابيفضل جوه عندى بيخنقنى
دعواتكوا معايا
شيماء حسن
11/6/2011
ايام الامتحانات بالنسبالى بحبها جدا بس فى الشتا مش فى الجو ده
بحبها ليه بقى بحس فيها انى بعمل حاجه فى يومى بيكون متنظم على حاجات معينه الصحيان بمعياد والنوم بميعاد والاهم بقى الدلع اللى بكون فيه فى البيت ايام
وده بيختفى تماما مع اخر يوم امتحانات بعد ما اطلع من اللجنه على فكرة
بيجى التليفون ونص المكالمة كالتالى
عملتى ايه
الحمد لله طيب
ياله بقى متتاخريش زى كل مرة وهاتى معاكى كذا وكذا وكذا وانتى جايه
.........
الو انتى روحتى فين
لا مفيش ياماما
طيب ياله بقى سلام
سلام
وهكذا اذن بينتهى فترة الدلع نرجع لايام الامتحانات تانى
زمان كنا بنقول انا ونوران صاحبتى بلاش تدخل فى اى علاقة او مشاريع فاشله ايام الامتحانات
وعاملنا زى نظريه كده ان الطالب المكافح اللى زينا كده بيجى ايام الامتحانات وتحس انه تحول الى بنى ادم رقيق ورهيف المشاعر لذلك فهو بينجذب لاى اهتمام صادر من اى كائن حى حتى لو كان بتاع الفول اللى على الناصيه وهو بيقوله صباح الخير وهو رايح الامتحان :)
بما انى بكرة عندى امتحان والماده لاول مرة افتحها من كام يوم وده مش بايدى والله ده بس لظروف فرح اخويا مش اكتر فحبيت ادعبس انا كنت بعمل ايه زمان ايام الامتحانات فلقيت ايام ثانوى عامله يوميات من اول مابصحى لحد ما انام كاتبه انا عملت ايه فى خلال اليوم فلاحظت انى مش ببدا اذاكر بذمه الا فى الاخر وده خلانى اتسال هو انا لازم اتزنق علشان ازاكر ماينفعيش اعقد زى باقى البنى ادمين كده وازاكر براحتى ؟
كل اللى بفكر فيه دلوقتى مش الامتحان بتاع الدكتور المريب بتاع مادة بكرة لا بفكر الجو ده فى حلوان هايكون عامل ازاى ؟
هاعمل فيه ايه فى اللجنه بما ان لجنة الدراسات العليا فى مدرج 3 واللى مايعرفوش مدرج 3 ده مدرج كبير جدا والمراوح اللى فيه مابتعمليش حاجه غير انها تطلع صوت :(
يعنى هاتسلق بكرة فى اللجنة :(
انا كده استريحت نفسيا الى حد ما انى وصلت للتدوين اليوم 11 وانا بكتب بغض النظر انا بكتب ايه بس بكتب وده فى حد ذاته شئ كويس علشان الكلام لمابيفضل جوه عندى بيخنقنى
دعواتكوا معايا
شيماء حسن
11/6/2011
هناك 3 تعليقات:
عارفة كلامك عن ان الواحد بيأجل دايما كل حاجة لآخر لحظة فكرني بمرة بقول للمانجر بتاعنا ف الشغل انا بطلع احسن ما عندي وانا تحت الضغط عشان كده دايما بسلم الشغل قبل معاده بساعة او اتنين مع ان مفروض قبل كده بكتير ، بصلي كده و قالي هوا ده الشعب المصري :))
انا بردوا كده ف الامتحانات بس بأمانة كنت بذاكر حوالي فصل او اتنين في بداية السنة انما دلوقت بقيت اسيب كل حاجة لآخر لحظة و سبحان الله بحل كويس جدا ، و ده و إن دل فإنما يدل علي إن المنهج كله ممكن يتلم ف يوم واحد :))
موضوع بعد الامتحان ده بقا معايا ماشي عكس تماما لإن بطبيعة الحال ماليش صحاب كتير هناك فبجيب ملزمة المراجعة بعد الامتحان و اروح بيتنا طوالي امي تقولي انتا لحقت يا بني انتا مبتروحش تمتحن ولا إيه :))
يا رب تكوني حليتي كويس...
معلش انا عارف اني رغاي ^_^
مش رغاى ولا حاجه على فكرة انا مبسوطه جدا بالرغى ده على فكرة :)
هى مشكله فعلا بس انا بستمتع لما بنجز المنهج فى اخر يومين :) متعرفيش ليه الماسوشية دى
الامتحان كان ظريف جدا لدرجه ان جاب حاجات مش من المنهج :)
فين ايام الامتحانات قول للزمان ارجع يازمان
ربنا يوفقك ويكرمك
مع خالص تحياتى
إرسال تعليق