وانا بدعبس على حاجات قديمة انزلها لاقيت الرساله دى ابتسمت اوى من فكرة انى بتأثر من اى حاجه حتى لو كانت
فيلم وبتعايش مع احداثة
الغريب بقى انى لما اتفرجت على الجزء الاول من هارى بوتر عجبنى فكرة مدرسة السحر فبدات اجيب القصص
واكتشفت ان القصص احلى بكتييييير من الفليم لان الفيلم بيقص مشاهد وبيوقف خيالك على التخيل الاحداث السحرية اللى بتحصل
والاجمل لما لاقتى فى كل ما اجى اقرا جزء كنت بحلم انى فى هوجورتس بمارس السحر اللى هو حلم طفولتى اصلا انى اكون ساحرة :)
ده غير عقدتى من اى شخص يحمل الجنسية الانجليزية بحس ان فيهم شئ لله كده يجذب البنى ادمين
فكان بالنسبالى الاخ دانيال اللى قام بدور هارى بوتر بعيونة الزرق وشعرة الاسود ولكنته الانجليزية حاجه كده حلوة انه يتابع هايعمل ايه فى احداث قصتة الماسوية دى
نيجى بقى لنص الرساله وكانت كالاتى :
عزيزى هارى بوتر
لن اتمكن من الذهاب لهوجوورتس هذا العام نظرآ لمتحاناتى فى مجتمع العامة.
مع هاجريت هديتى لك ارجو ان تلبسها فى مبارة الكويدتش.
سلامى لرون وهيرميون واحذر(من الذى لايجب ذكر اسمه)فقد باتت قوتة فى الظهور
اراك قريبآ
شيماء حسن
البرقيه اتكتبت فى 2008
اما المقدمة فى 11/6/2011
هناك تعليقان (2):
هارى بوتر !!!!!
هارى بوتر ده طفولتى و شبابى بمعنى الكلمة و ناوية يكمل معايا ان شاء الله
انا فاكرة أول حاجة قريتها كان الجزء الاول و مكنتش أعرف أن فى أجزاء بعد كده
بس عجبتنى القصة جدا .. و عجبنى رون جداااااااااا .. و من وقتها و هو شخصيتى المفضلة
و الصراحة حبيته أكتر لما روبرت مثل دوره .. !!
و بعدين شفت الآفلام .. و فعلا معاكى حق فى الافلام بيقصوا مشاهد كتيرة , و مفيش التخيل اللى موجود فى الكتب ..
الصراحة أنا مش معترفة أنه كده هينتهى .. بس زعلانة أن مفيش كتاب تامن او فيلم جديد أستناه .. عجبتنى البرقية جدااااااااااااااااا =)
إرسال تعليق