Powered By Blogger

الأحد، 22 ديسمبر 2013

الحق فى حرية العقيدة


اانهارده 22 ديسمبر يوم التدوين عن حرية المعتقدات الدينية 

كلمنى كده عن نفسك فى بلد متعرفيش يعنى ايه حرية الاول وبعدين نبقى نتكلم عن المعتقدات الدينيه
بلد كلها تناقضات حتى اللى بتكتب السطور دى مليانة بيها 
 بلد عندها ان
مافيش مانع انه يضرب الجوينت التمام بس يروح يصلى العيد
مافيش مانع انه ينام مع واحده بس يصحى الصبح بدرى يلحق صلاه الجمعة من اولها
مافيش مانع تكون لابسه محزق وملزق بس المهم تكون حته ايشارب على دماغها 

المشكلة مابقتيش فى حرية الاعتقاد لان الموضوع دلوقتى بقى منفتح شوية عن الاول
المشكلة فى تقبل ده والتعامل معاه بدون صدام اى كام نوع الصدام ايه 

انا بؤمن بحاجة ومتهيالى انها الوحيده اللى متغيرتيش من حاجات كتير عندى اتغيرت
احنا كلنا ارواحمختلفين ربنا عنده الحكمه فى ده بس احنا منعرفهاش 
بس اللى اعرفه اننا هنا على الارض مش علشان نقرف فى بعض ونحاسب بعض على حاجات فى علم الغيب 
وان الأية الكريمة فى القران  "لكم دينكم وليا دين " 
وان  لما ذكر فى الانجيل " الله محبه "
انهم يصلحوا فى كل العصور وبالاخص فى العصر اللى احنا فيه ده
لو كل واحد ركز هو بيعمل ايه وازاى بغض النظر عن خلفيته الدينية كانت هاتفرق اوى فى حياته وحياته الناس اللى حواليه 

 نفسى الناس تعرف ان ربنا مش مدينا نعمه العقل علشان
نتفرج على اللى بيحصل حوالينا ومانفكريش فيه
فى مثل او ماقوله مشهور معبره جدا بتقول
" ربنا عرفوه بالعقل "
يعنى ولا دينى ولا لبسى ولا طريقة كلامى ولا تصرفاتى
هى اللى هاتحدد علاقتى بربنا ايه
واصلا انت تحدد علاقتى بربنا ليه ؟
انت مين علشان تحاسبنى


 من الاخر 
كل واحد له طريقة فى الاتصال بربنا والتعبير عن ده مش حكر على حد معين
ربنا اكبر من انه يكون حكر على نوع معين من البشر

شيماء حسن
22/12/2013

السبت، 30 نوفمبر 2013

نوفمبر 2013


اتمنى من ربنا ان نوفمبر السنة دى يكون فى مفأجات غير متوقعة

البدايات الجديده لمشاعر مختلفة فى نوفمبر برضه

محتاجة كل دعوة حلوة من كل الناس اللى بتحبنى على كوكب الارض والمجرات المحيطة كمان

 انت هنا فى بيتنا وبعملك القهوة  :)
  6 #نوفمبر
كل دعوة انت دعتها ربنا محوشهالك
ادعى انت بس وربنا فى الوقت المناسب
هايدهالك
انا ممتنه ليك يارب
.

7 #نوفمبر

what can i say
المطرة ... ونوفمبر ... وعيد ميلادى ...
وانت
feeling grateful with Mohammed Badwi.


8 #نوفمبر
متشكرة جدا لاصحابى الحلوين اللى زى الفل واجدع صحاب فى الدنيا على كل دعوة وتهنئة بعيد ميلادى
ربنا يخليكم ليا وميحرمكوش منى ابدا



9 #نوفمبر

عن حاجات حلوة كتير
شكرا يارب


  1. 12و13و14 #نوفمبر

    مناديل ..مناديل ...الاوضه كلها مناديل
    وفى كل حته مناديل
    المخده والملايه والسرير
    كلها بقيت مناديل
    واللى كانت اوضه امبارح بقيت مناديل
    والاوضه كلها مناديل

    #دماغ_البرد_بتعمل_اكتر_من_كده
    #مجدى_نجيب_هايجى_يشتمنى_ويمشى
    #منير_ممكن_ينتحر_فيها
    feeling tired.

19 #نوفمبر

زكرى محمد محمود 
 فى حاجة فى الروح راحت
ومش عارفه ترجع لحد دلوقتى يمكن علشان اول مرة انزل واشوف بعينى
 بس الاكيد
مابقتيش تجيلى كوابيس زى الاول بس انا مابقتيش اعرف احلم خلاص  


 21 #نوفمبر
عارف Mohammed Badwi احساس انك عامل بلورة عازلة لاى طاقات سلبية
انا فى البلورة دى دلوقتى
عارفه ان فى حاجات كتير تنكد على الواحد وممكن تكسر البلورة فى اى وقت
بس انا عاملة زى الطفلة اللى متشعلقة جوة البلورة و بتنفس لاخر نفس اكسجين سعادة فيها
ماحدش عارف بكرة هايحصل فيه ايه



23 #نوفمبر
طبيعى جدا ان الواحد يتخنق بدون اسباب واضحه
بس مش الطبيعى
انك تلاقى اللى حواليك بيقنعوك ان انت كده كائن غير سوى
علشان بتفكر التفكير ده دلوقتى




25 #نوفمبر

 يوما ما هايكون عندنا
قطة سودا اسمها لوزة
وقط مشمشى اسمه كوشكا
ويكونوا مبقلظين ومقلوزين كده ومدلعين
قول يارب


 26 #نوفمبر
استغربت جدا انى شوفت #ابو_الثوار على محطة مترو جامعة حلوان
مهمنيش هو كاتب ايه على اليافطة اللى ماسكها اد ماهمنى انه متلحف بالشال بتاعه الاسود الشهير فى عز حر نوفمبر اللى كنا فيه امبارح وواقف صامت ثابت على موقفه
قربت منه اتكلمت معاه شوية كل اللى كان بيقوله اننا لازم نثبت على موقفنا وبالعلم السلاح الاقوى لاى نظام فاشل. واننا الامل فى اى حاجه بتحصل فى البلد.
بريق علينه خلانى احس اد ايه الواد فقد الشغف لاى حاجة فى حياته وهو لسه صغير وانه رغم كل حاجه عنده امل
اللقطه دى يمكن معملتيش اى حاجه فيا فى ساعتها بس لما الضرب اشتغل فى #طلعت_حرب
سمعت كلامه بيرن فى ودانى بس ساعتها كنت ببعد عن الضرب وانا بقول مافيش فايدة





 27 #نوفمبر

قربت اخلص سلسلة #فانتازيا لد احمد خالد توفيق
النقطة هنا لما بدات اقرا تانى السلسلة حسيت كانى لاول مرة اقراها
وفى حاجات كتير دلوقتى مختلفة عندى بتخلينى اقرا القصص بمنظور تانى
الغريب بقى انى ساعات احلم بقطر فانتازيا بلف به بس مش بقف فى حته علشان اخوض مغامرات زى عبير




28 #نوفمبر

انا وماما صاحين مش طايقين بعض بدون اسباب واضحه وصريحة وملموسة
الغريب بقى ان كل اللى فى البيت اخد ساتر لنفسه وبيتقى شرنا احنا الاتنين
تحياتى لبرج العقرب



29 #نوفمبر
.......................................
.........................................


30   #نوفمبر 
 يمكن الاحتفال السنة دى مش هانكون مع بعض  فى اليوم ده
بس الاحلى انه كمان كام يوم دبلته هاتكون فى ايدى 
شكرا يارب 

الخميس، 15 أغسطس 2013

حوليات 6: عن الدوائر الامنطقية للالوان

كانت  اللوحة بيضاء امامها تتخللها دوائر متشابكة من الالوان 
كانت تضع الفرشاة امامها وسارحة فى ملكوت الله
متعوده هى بان ياتيها كل صباح يحادثها عن الالوان
هذه المرة كان جالس بجوارها يرتشف القهوة صامتا
يترقب ماذا سوف تفعل بباقى الالوان
بعد صمت طويل سالها
هل تودين ان نلعب لعبه
قالت وهل لى حرية الاختيار
وضع فنجان القهوة جانبا 
وقال لها: لم اضغط عليكى لترسمى لوحه ساقول لكى لونا وتقولين لى بما يمثله لكى
ابتسمت :وهل هذه اللعبة ستجعلنى ارحل من هنا
قال : دعينا نرى فيما تفكريين اولا
حسنا   
الابيض
نجمة كنقطه نور فى عتمه الاقدار
الاسود
 الليل وتسالنى عن الليل اقول لك وكيف لى ان انام  والاوجاع تحاصرنى
الازرق
صوت الامواج  تتصارع والرسايل المنسيه فى البحر
الاحمر
الورود والوريد والخط الفاصل بينهم حد السكين
البنفسج 
وبين تدرجاته يقبع العشق السادى لتفاصيل حلم عاشقان لليلية حب تحت القمر 

قال لها :لماذا دوائر من الالوان ؟

قالت: كل الطرق تلتوى فى النهاية لدوار متداخلة لامنطقية وكل ماعلينا ان نفعله ان نضيف الالوان لنبث فيها بعضا من روح الحياة او ناخذها ونرحل

قال: هل تدركين ماتقولين

ابتسمت كأنها قد انتصرت فى معركة اليوم وقالت : انا ملكة الالوان استطيع ان اقص عليك قصص الالوان جميعا
ولكنى لا استطيع ان اتعايش مع فكرة الطرق المؤدية الى نهاية حتمية  لتجعلك ان تعيش ماتبقى من عمرك فى دوائر

 قال :لما لاتدريدين ان اساعدك  لكى ترحلين عن هنا 
قالت : اريد ذلك وبشدة ولكنك تحول بينى وبين الرحيل 
قال: اريديك ان ترحلى خارجا بعيدا عن هنا
قالت: اريد ان اصعد فوق لعلنى اقفل تلك الدائرة للابد
هنا قد صمت 
كتب بعد الملاحظات فى ورقة وارتشف باقى القهوة ورحل
رأت اشخاص قادمون من بعيد , هى تعرفهم جيدا بملابسهم البيضاء التى لا تخطها العين
اخذوا منها الالوان 
 تقاوم
تصرخ
تثور
تسمعهم يقولون بأنها اصيبت بلعنة 
ولكنها تعلم جيدا بأنهم هم اللعنة 
عندما اصبح الون الاحمر هو  السائد فى الشوارع والاسود فى القلوب 
اصبحوا هم اللعنة
يقدوها الى مكان مغلق 
يقيدوها 
وتراه من بعيد قادم 
يعطى الاوامر بصوت عالى : توضع تحت الملاحظة 48 ساعة وعدم السماح باى زيارات لها 
يسرى فى جسدها مفعول السائل الشفاف
وتغمض عينيها وهى تبتسم فهى على مشارف بحر من الالوان فى انتظارها  




شيماء حسن 
14/8/2013
16/8/2013


http://www.francoise-nielly.com/index.php/galerie

الجمعة، 9 أغسطس 2013

حوليات 5: انت المنفى وانت السكن

أتنفس الصعداء 
الجو يتصاعد به الرطوبة كأن هناك أحد قد أشعل الغلاف الأرضي لننعم بحمام بخار طبيعي 
أحاول أن أتنفس
أهرب إلى منطقة بها نسمة هواء
لا يوجود 


أتوجه إلى الشرفة
أتفقد هاتفي ...الصمـت 
أتطلع إلى السماء
"شاهد يارب " 
لا أجد من أشكو إليه غيرك
أتحدث مهما أتحدث ... لا أحد يفهمني
أشعر وقتها بأنني أريد الصراخ
أتجنبه جاهدة و ألوذ في الصمت 


أشعر بأنى هشة هذه الأيام
كأن البخار يذوّب ما تبقى مني و يجعلني كالريشة فى مهب الريح
يأتى صوت درويش 
"وكن أنت حيث تكون واحمل عبء قلبك وحدك
اتجاهله واتذكر قصيدتنا الاولى لدرويش ايضا "اجمل حب
حين قال " حبيبان نحن الى ان ينام القمر 
كما ينبت العشب بين مفاصل صخرة
وجدنا غريبين يوما
ونبقى رفيقين دوما  "




أحاول أن أتنجنب مصادر الألم

وأتعامل كأن شيئاً لم يحدث
يقابلني التجاهل بما يشعرني بالخوف ... الخوف من الجميع 
كأننى فى طريقي للمنفى 
كيف أهرب من المنفى 
و أنت المنفى وانت السكن 
تتبدل المعانى فى حضرتك وتبقى انت سيد الموقف كعادتك بلا منازع


أتفقد الهاتف ... الصمــت 
كيف تنقلب المعاني وأصبح انا المذنبة ؟ 
أشعر بأننى أكفّر عن ذنب لم أقترفه من البداية 
أتطلع إلى السماء من جديد 
"شاهد يارب" 
تهب نسمة هواء باردة كأن يد الله قد بعثت فى الهواء لتلملم ما تبقى مني 
أبتسم
أفرغ ما في جعبتي تضرعاً اليه
أشعر بعدها بالهدوء
أستند إلى حائط الشرفة و أذهب بعدها في نوم عميق بلا كوابيس
أصحو على رنين الهاتف بنغمة مميزة
أتطلع إلى السماء 
"شكرا يارب " 


شيماء حسن
 10/8/2013 
2:00 صباحا

 


الخميس، 8 أغسطس 2013

حوليات 4 : بألامس قد حلمت بك وسردت لك حكاية

الخواجه لما يفلس بيدور فى دفاترة القديمة
هذا المثل بينطبق عليا بالمللى والكتابة 
 انا مش مفلسة بس مكسله اكتب اللى فى دماغى 
وافتكرت القصه دى اوى وقررت انى اكتبها هنا على المدونة

________________________________________________
حلمت بك بالأمس
كنت تغدو كفراشة مازالت بعد فى عمر التكوين
مازلت فى اليرقة منتظرة لحريتها
وكنت انا عقلة الاصبع
اسرد لك الحكايات لاسليك
لكى لا تشعر بالملل
كنت تطلب منى ان احررك وارفض
لا تسطيع ان تدرك انى بذلك اقتلك
يجب ان تتحرر من شرنقتك بنفسك لكى يقوى جناحك
واسرد عليك حكاية الدبة التى قتلت صاحبها
تقول لى انك متفهم الأمر
ولكنى ارى فى عينيك غير ذلك
اسرد لك حكايات اكثر واكثر
تتحمس من حكاية القط الشيرازى الذى جاء من الماء
تقول الحكاية
ان هناك فى بلاد بعيدة
قط فتح عينيه وجد نفسة وحيد بجوار نبع مياه
كان لايعرف شيئآ
ولكن عندما اقبل المساء كانت خطوط من النبع تنجرف اليه عل اشكال الطعام 

فى البداية كان خائفآ
ولكنه فكر بعقله الصغير ان النبع امه تحاول ان تعلمة الحياة فبدأ ان ينتظرها يوميآ ويتعلم منها وفى الصباح يفعل ما تعلمه فى الليل
ظل القط الشيرازى ايام طويلة على هذا الحال
يأكل السمك ليلآ
الذى يعطية اليه النبع ويصطاد الحشرات من على الاشجار فى الصباح
وجاء يوم قد ادرك القط الشيرازى قوة وكبر حجمة
فـ احب ان يغادر النبع ويتطلع الى ما وراءه
ولكن كيف وهذا النبع يسد عليه طريقة
احب ان يفاتحة مرة فيما يفكر فية
ولكن النبع امتنع عن السمك ليوم ولونه قد تغير فى الصباح الى الاسود
جال فى بال القط الشيرازى انه سجين هذا النبع ويجب ان يتحرر منه
فرجع لعادته القديمة كأنة
يصالح النبع
ورجع النبع معة مثل الاول
فى تلك الايام كان القط يبحث عن مصدر النبع لكى يسده
فى احدى الصباحات اثناء اصطيادة للحشرات من على الشجر وجد اصل المنبع واندهش عندما رأه صغير جدآ بالنسبة لنبع
وضع خطة فى المساء
وودع النبع بعد وجبة السمك ونام بعيون يقظة
فى الصباح جرى القط الشيرازى
واحضر صخرة صغيرة بجوار مصدر النبع وسده
كاد النبع ان يمنعة بصرخة من اسماكة الصغيرة ولكن قوة القط جعلتة ينفذ مهمتة بنجاح
الى هنا عزيزى ارى وقد اتسعت ابتسامتك وبدأت الضحك مع ظهور اجنحة الفراشة
وبدأت تطير
اولآ قد طرت بالقرب منى بعدها اخذتك الوانك الزاهية وجمالك البراق الى ان تطير اعلى ليراك الاخرون
عزيزى كنت اعلم هذا منذ البداية لا احد يحب اليرقات وشكلها فى الشرنقة ولكنك الأن صرت فراشة يانعة
الا تعلم عزيزى ان نهاية حكاية القط الشيرازى
لن تدعنى اكملها لك
فبعد ان اغلق مصدر النبع بدأ القط فى الذوبان وبدأ كل شئ امامة يتحول الى ماء
وادرك فى اخر نقطة مياه منه ان النبع كان
كان وحيدآ فجاء به من احشائه لؤنس وحدته
الا تدرك عزيزى
ان النبع كان يحاول ان يحمى القط من نفسه
لايريد ان يقول له
انك اذا اخترت حريتك
سوف تكون حريه ابديه

الاتعلم انك تفعل معى هذا الان
مصير الفراشة مرتبط بعقلة الاصبع
اذا طارت عاليآ لكى تبتعد سوف تصطاد من قبل جامعى الفراشات
وهذا سيرجعنى هيئتى البشرية
ووقتها سوف نفترق للابد

وبكلمة للابد كنت قد استيقظت من النوم
مستغربا هذا الحلم العجيب
وعندما استرجعتة ادركت حقيقة مفزعة
ان مصائرنا مرتبطة بموت احدانا على يد الاخر



شيماء حسن
 اتكتبت فى 
صباحا 6July 2008 at 04:05

الثلاثاء، 6 أغسطس 2013

حوليات 3 : عن الاحساس

احساس بالوجع جاى من كل مكان فى جسمك
وبيصب على قلبك بنغزات بتروح وتيجى 

احساس بالخنقة ونفسك بيقطع مع كل كلمة انت بتقولها

احساس انك مشوه فى كل حته فى جسمك وبتنزف وماحدش شايف الجروح دى غيرك

احساس انك مش مستطعم اى حاجة بتحصل سواء كانت حلوة او وحشة

احساس بنعدام الزمن والفجوات الزمنية اللى بتختفى فى ذاكرتك 
وبتظهر تانى بدون ادنى سبب

احساس انك عند مليون سبب وسبب انك تصرخ وبتكتم
 والكتمة بتيجى معاك بصمت

احساس انك عايز تعيط ومحاولاتك انك تعيط بتزيد الوجع اكتر

احساس ان حياتك عبارة عن دايرة مغلقة وانت بتلف فيها بدون ادى سبب

احساس بالناس كــ كتلة حجرية حاجبة عنك النور والهواء وانت بتعافر علشان تعيش

احساس بالاحلام على انها حقيقة والحقيقة على انها احلام 

احساس بالعشم من اقرب الناس ليك ويجى معاك بخيبة أمل

احساس بأن اللى حواليك دواير مغلقة بتلف حوالين رقبتك علشان تخنقك 

احساس  ببصيص ضوء فى العتمة اللى بيجى وبيروح بدون سبب

احساس بانك عايش بتصارع  افكار ناس عايشة جواك 
وانت فى النص مش عارف تعمل ايه

احساس انك تكبر دماغك من اى حاجة بحصل تضايقك علشان تعرف تعيش

احساس بالمسكنات مابتجبيش نتيجة واحساس العلاج مؤلم 

احساس بانك اتغيرت بس مش عارف ايه اللى اتغير بالظبط

عن الاحساس اللى موجود ومتنكر وبيطلع فى اقرب كوابيس 
عن احساسك انت هاتفضل لوحدك بتواجه كولكشن الاحاسيس دى 
وهاتلازمك لاخر نفس فى حياتك 
فتتوصل انك تقول الكلام وترمى ورا ضهرك علشان الحياة تمشى 
علشان هى كده كده هاتمشى وخلاص

شيماء حسن 
4/8/2013
6/8/2013


الاثنين، 5 أغسطس 2013

حوليات 2 : فى محاولة لتوثيق الثورة الجزء الاول

من اول الثورة لحد دلوقتى و الذين يطلقون على انفسهم الثوار نمارس دورنا وعن جدارة بان نكون ولاد التيت 
وعلشان كده بحاول اوثق اللى حصل بعيدا عن اى هرى بيتقال 
والخوف ان ممكن حد يجى بعد كده يزيف الحقايق 
انا شخصيا فى حاجات كتير وقعت منى علشان كده كنت بكتبها فى ورقة بالارقام علشان افتكر ايه اللى حصل 
وبرحب طبعا باى حد عنده اضافة ياريت يبعتهالى 

نقول بسم الله نبدا الحكاية 


دلوقتى فى ثورة 25 يناير حصلت تمام
الميدان تم اخلاءه بالقوة  اعتصام 9 مارس وساعتها حصل كشوف العذرية
حصل بعدها استفتاء مالوش اى تلاتين لازمة من المجلس العسكرى يوم 19 مارس
تم ساعتها استخدام الشعارات الدينية لاول مرة او بمعنى اصح تبان وبشكل واضح
قول نعم تدخل الجنة قول لا تدخل النار مع النصارى 
تم تمريره تمام يوم 30 مارس "الاعلان الدستورى "
حصل ميت الف حاجة علشان الاخ مبارك والناس اللى معاه يتحاكموا 
مايبتحكموش .. طيب ايه بقى 
اخيرا قرار بحبس مبارك ونجليه 13ابريل 
يقوم يحصل ايه بقى يوم 4 مايوا احداث امبابه والى حصل فى كنايس امبابه
يقزم الاخوة الاقباط يعتصموا عند ماسبيروا على خلفية احداث امبابه يوم 8 مايو
يحصل احداث تانيه لكنيسة الماريناب يقوم يحصل اعتصام تانى عند ماسبيرو
يجى 9  اكتوبر 2011 ويحصل فض اعتصام ماسبيرو بالقوة وكا يعرف باسم "مجزرة ماسبيرو "
ساعتها طلعت اشاعة لحد دلوقتى ماحدش عارف صحتها 
ان كل ما سوزان مبارك تزور العايله فى السجن لازم مصيبة تحصل فى البلد بعدها 
هوب 200 شخص واقفين عند الصنية يتالوا بحقوق الشهداء والمصابين 
الامن يدخل بالقوة 
هوب مليوينة 
دخلنا فى موال محمد محمود واللى حصل فى محمد محمود
اعتراض على وثيقة السلمى 
استقالة حكومة عصام شرف 
وتكليف الجنزورى 
يحصل احداث مجلس الوزراء للاعتراض على حكومة الجنزورى اللى هى امتى يوم 16 ديسمبر
ولاد التيت  بيطالبوا بتسليم السلطة لواحد ابن حلال مدنى 
لا الانتخابات اولا 
طيب تعالوا ننسحب من الانتخابات
تحصل انتخابات
التيار السلامى يكتسح البرلمان
ندخل فى ازمة  الشرعية للبرلمان ولا للميدان 
ندخل على 2012 
 والذكرى الاولى للثورة 
الاخوان تقول احتفال وولاد التيت تقول تكلمة للثورة 
1فبراير الذكرى الاولى لموقعة الجمل 
والمرة دى فى استاذ بورسعيد  بعد مبارة الاهلى والمصرى يحصل مجزرة بورسعيد اللى راح ضيحتها  شخص74 على حسب تقارير الصحة
ندخل بعدها فى متاهات الانتخابات والهرى بتاع كل مرشح
الى ان 14ابريل اتبعاد ابو اسماعيل والشاطر وعمر سليمان من سباق الانتخابات
17 ابريل يتم القبض على احمد الجيزاوى فى السعودية 
بعدها ولاد التيت راحوا عند وزارة الدفاع تطالب بتسليم برضه السلطة للمدنين وبتقول والغاء ماده تحصين الانتخابات من الطعن 
يقوم يحصل اشتباكات 2 مايو بين المواطنين الشرفاء يقوم يدخل الجيش ويقول مش هادخل لفض الاعتصام
نيجى بقى ليوم 2 يونيو الحكم على مبارك والعادلى بالمؤبد وبراءة جمال وعلاء من قتل المتظاهرين
يحصل ساعتها السباق الانتخابى 
ابو الفتوح فى الطالع يحصل المناظرة الشهيرة مع عمرو موسى 
تقوم نسب حمدين فى الصعود تظهر وتبان
يحصل الانتخابات 
المرحلة الاولى شفيق ومرسى 
اها وربنا ده اللى حصل 

نهاية الجزء الاول علشان الضغط  
يتبع

شيماء حسن





الأربعاء، 31 يوليو 2013

حوليات 1: دعونى اتنفس فى صمت


التدوين اليومى 
فكرة التدوين اليومى رجعت تانى وجايه فى وقتها 
حاسه انى بدات معرفنيش 
مش حاسه برمضان ومش حاسه بايام ومش حاسه باى حاجة 
متخدرة وكانى واخده مسكن من وجع كبير اوى انا معرفهوش 
 بيروح ويجى مع الوقت وعلى حسب المسكن 
الكتابة فى حد ذاتها موجعة كانك بتتك على جرح وبطلع كل الصديد اللى فيه
بس بتستريح فى الاخر 

نفسى ارجع اكتب تانى زى الاول بس مش عارفه اكتب ايه 
حال البلد يقرف ويجيب احباط
مش عارفه اتنفس لما ببدا افكر فى اى حاجه ليها علاقة بالبلد 

مضايقة ومش مضايقة 
مبسوطة ومش مبسوطة

حالات وسط الشعور دى مش حلوة عمرى ماكنت بحب الالوان البهتانه والوسط عندى لون رمادى بهتان مالوش غير انه يجمع الغبار الاسود ويتراكم 

اكتر حاجة شغالة تفكيرى دلوقتى بما اننا فى رمضان علاقتى بربنا 
بفكر فى حاجات كتير اوى منطقية وغير منطقية 
بس اخر ماتوصلت اليه 
انى بحاول اعيد علاقتى بربنا زى ماهو بيقول مش زى ما انا عايزة 

ساعات بحس ان حتى النفس مش عايز يطلع 
بصحى كتير من النوم وانا عندى ضيق تنفس وفكرة الموت مش بتروح من دماغى 
انا مش خايفة اموت 
انا خايفة انى اموت قبل ما اعيش الكلمة دى بترن فى دماغى من ساعه لما قراتها لاحمد خالد توفيق 

العيشه فى البلد بقت لا تطاق بالمعنى الحرفى للكلمة
ومن رحمه ربنا بيا انه مسبب لى سبب بيكمن فيه "هو" اللى بيخلينى اقوم كل يوم الصبح وانا عندى أمل ان فى حاجة كويسه هاتحصل علشان احنا موجودين مع بعض

انا عارفه ان الكلام اللى فوق ده مش مترابط 
بس كانى بطلع مرة واحده اللى عندى وبعد كده ابقى ارتبه
كلمة بعد كده اصلا بتجيب كسل فعلشان كده يطلع كده بدل مايطلعش خالص احسن
فى حاجات كتير اوى فى دماغى عايزة اكتبها 
عن البلد وعن جرايس انتومى وعننا وعن احلامى وعن وعن وعن 
يمكن لما تكتب ده كله الزحمة اللى فى دماغى تخف

الخلاصة 
انا مش عايزة حاجة غير انى اتنفس 
هكتب علشان اعرف اتنفس
فدعونى اتنفس فى صمت 

القاهرة فى 1/8/213
شيماء حسن 
الساعة 6:30 صباحا 










الجمعة، 4 يناير 2013

مقهى، وأنت مع الجريدة

مقهى، وأنت مع الجريدة جالس
لا، لست وحدك. نصف كأسك فارغ
والشمس تملأ نصفها الثاني ...

ومن خلف الزجاج تري المشاة المسرعين

ولا تُرى [إحدي صفات الغيب تلك:
ترى ولكن لا تُرى]
كم أنت حر أيها المنسي في المقهى!
فلا أحدٌ يرى أثر الكمنجة فيك،
لا أحدٌ يحملقُ في حضورك أو غيابك،
أو يدقق في ضبابك إن نظرت
إلى فتاة وانكسرت أمامها..
كم أنت حر في إدارة شأنك الشخصي
في هذا الزحام بلا رقيب منك أو
من قارئ!
فاصنع بنفسك ما تشاء، إخلع
قميصك أو حذاءك إن أردت، فأنت
منسي وحر في خيالك، ليس لاسمك
أو لوجهك ههنا عمل ضروريٌ. تكون
كما تكون ... فلا صديق ولا عدو
يراقب هنا ذكرياتك /
فالتمس عذرا لمن تركتك في المقهى
لأنك لم تلاحظ قَصَّة الشَّعر الجديدة
والفراشات التي رقصت علي غمازتيها /
والتمس عذراً لمن طلب اغتيالك،
ذات يوم، لا لشيء... بل لأنك لم
تمت يوم ارتطمت بنجمة.. وكتبت
أولى الأغنيات بحبرها...
مقهى، وأنت مع الجريدة جالسٌ
في الركن منسيّا، فلا أحد يهين
مزاجك الصافي،
ولا أحدٌ يفكر باغتيالك
كم انت منسيٌّ وحُرٌّ في خيالك!



محمود درويش
من ديوان
كزهر او أبعد