الاثنين، 3 مارس، 2014

حوليات 7: عن المحاولات الفاشلة لحياة بائسة

 
حياتنا كلها تتلخص فى اننا بنحاول نعمل حاجة 
وعن محاولاتنا الجادة فى اننا نعرف اصلا هى ايه الحاجة اللى احنا عايزين نعملها 
بتنتهى فى الاخر اننا بنعمل حاجة تانية خالص 
وبعد فترة  بنحاول نعمل فيها البدع علشان تبقى اللى احنا عايزنها 
 محاولاتنا مش بتنتهى عند حاجة معينة محاولاتنا بتبدى كل يوم الصبح 
انك تحاول تصحى وتقنع نفسك انه يوم هايكون فيه حاجة عدله

عن محاولاتنا فى اننا نشتغل حاجة بنحبها وتجيب فلوس تقدر تكمل بيها باقى الشهر

عن محاولاتنا اننا نبقى فى علاقة حب مستقرة من غير اى عقد وكلاكيع من اى حد حواليك
محاولاتنا الجادة جدا فى انننا نتنفس هواء نضيف بعيد عن اى ريحه غاز مسيل للدموع ولا تراب متهبب باى فيرس

محاولاتنا الجاده جدا ويمكن تكون الاهم اننا نعرف ننام بدون ارق وبدون كوابيس 
بدون اى خوف من اى حاجه هاتحصل بكرة 

عن محاولاتنا اننا نستمر فى اى حاجة فى حياتنا علشان هى دى المفروضه وخلاص 

عن محاولاتنا للتمرد عن كل ماهو تابو وتلاقى فى كل مرة بتحاول فيها حبل كبير بتتشد منه اقوى من الاول

 عن محاولاتنا للاستعادة ببعض الادوية  بس مافيش حاجه بتحوق الادوية اللى ممكن تاخدها علشان تخليك تحاول بنفس وصدر رحب كده  مش بتعمل حاجة غير انها بتخلى عملية صحيانك من النوم فيها شبه معركة يومية 

حياتنا اتحولت بقت عبارة عن محاولات يومية اللى غالبا بتبقى فاشلة  فى اننا نعيش يوم من غير مانحس ب اد ايه الحياة بائسة 

عارف انت الكلام اللى بيتقال" انت اللى فى ايدك تعمل الحاجة اللى انت عايزاها "
الكلام ده صح على فكرة بس تعمل ايه فى محاولات وصولك للى انت عايزة لما يجى اللى انت عايزة مابقش عندك نفس ولا طاقة انك تعمله 

حتى محاولاتى للكتابة  اصلا باتت بالفشل 

حتى لما تبطل  تحاول تعمل  اى حاجة  بيكون فى جزء منك اللى لسه بيتفس ده وعنده حاجه بيقعد يزغد فى قلبك طول الليل فى محاولة منه انك ترجع تحاول تانى 

 المحاوله طبيعه بشرية نازله فى الابديت البشرى من اول سيدينا ادم لحد اخر واحد هايتولد 

 حتى وانت بتموت  هتحاول تاخد اخر نفس ليك فى الدينا هايكون بصعوبة برضه واندهاش انه لسه بدرى 
علشان متندهش ابقى حاول وانت بتاخد اخر نفس ليك فى الدنيا تبقى مبتسم انك على الاقل حاولت تعيش الحياة اللى تستحقها 

شيماء حسن
3/3/2014
10:20 PM


هناك 3 تعليقات:

حبة الرمان يقول...

على فكرة طالما بتحاولى .. انتى على الطريق الصح يا أوشو ..
لما تبطلى خالص محاولات.. وتقولى إنك وصلتى للنهاية كده هيبقى البؤس بعينه بئا..
احنا بنمر بحالات بائسة كتير .. بس ممكن ناخد اجازه م المحاولة نغير فيها طريقة محاولتنا.. غيرى الطريقة.. ادخلى من باب تانى.. غيري الخطة..بس متبتئسيش :(..

قمم التميز يقول...

شركة مكافحة حشرات بالدمام
شركة كشف تسربات المياه بالدمام
شركة مكافحة حشرات بالجبيل
شركة تنظيف بالدمام
شركة تنظيف منازل بالدمام
شركة تنظيف بيوت بالدمام
شركة تنظيف فلل بالدمام
شركة الأمثل التنظيف
شركة تنظيف شقق بالدمام
شركة تنظيف خزانات بالدمام
شركة جلى بلاط بالدمام
شركة مكافحة حشرات بالخبر
شركة مكافحة النمل الابيض بالدمام
شركة مكافحة الثعابين بالدمام
شركة رش دفان بالدمام
شركة كشف تسرب المياه بالدمام

قمة الدقة للخدمات يقول...

شركة قمة الدقة للخدمات المنزلية
شركة تسليك مجارى بالجبيل
شركة تنظيف بيارات بالقطيف
شركة مكافحة حشرات بالقطيف