Powered By Blogger

الأحد، 22 ديسمبر 2013

الحق فى حرية العقيدة


اانهارده 22 ديسمبر يوم التدوين عن حرية المعتقدات الدينية 

كلمنى كده عن نفسك فى بلد متعرفيش يعنى ايه حرية الاول وبعدين نبقى نتكلم عن المعتقدات الدينيه
بلد كلها تناقضات حتى اللى بتكتب السطور دى مليانة بيها 
 بلد عندها ان
مافيش مانع انه يضرب الجوينت التمام بس يروح يصلى العيد
مافيش مانع انه ينام مع واحده بس يصحى الصبح بدرى يلحق صلاه الجمعة من اولها
مافيش مانع تكون لابسه محزق وملزق بس المهم تكون حته ايشارب على دماغها 

المشكلة مابقتيش فى حرية الاعتقاد لان الموضوع دلوقتى بقى منفتح شوية عن الاول
المشكلة فى تقبل ده والتعامل معاه بدون صدام اى كام نوع الصدام ايه 

انا بؤمن بحاجة ومتهيالى انها الوحيده اللى متغيرتيش من حاجات كتير عندى اتغيرت
احنا كلنا ارواحمختلفين ربنا عنده الحكمه فى ده بس احنا منعرفهاش 
بس اللى اعرفه اننا هنا على الارض مش علشان نقرف فى بعض ونحاسب بعض على حاجات فى علم الغيب 
وان الأية الكريمة فى القران  "لكم دينكم وليا دين " 
وان  لما ذكر فى الانجيل " الله محبه "
انهم يصلحوا فى كل العصور وبالاخص فى العصر اللى احنا فيه ده
لو كل واحد ركز هو بيعمل ايه وازاى بغض النظر عن خلفيته الدينية كانت هاتفرق اوى فى حياته وحياته الناس اللى حواليه 

 نفسى الناس تعرف ان ربنا مش مدينا نعمه العقل علشان
نتفرج على اللى بيحصل حوالينا ومانفكريش فيه
فى مثل او ماقوله مشهور معبره جدا بتقول
" ربنا عرفوه بالعقل "
يعنى ولا دينى ولا لبسى ولا طريقة كلامى ولا تصرفاتى
هى اللى هاتحدد علاقتى بربنا ايه
واصلا انت تحدد علاقتى بربنا ليه ؟
انت مين علشان تحاسبنى


 من الاخر 
كل واحد له طريقة فى الاتصال بربنا والتعبير عن ده مش حكر على حد معين
ربنا اكبر من انه يكون حكر على نوع معين من البشر

شيماء حسن
22/12/2013

هناك تعليق واحد:

mai يقول...

افضل شركات الترميم بالرياض
اننا في شركة سما الصقر نعمل على مدار 24 ساعة طوال ايام الاسبوع ويقوم فريق الدعم الفني وخدمة العملاء لدينا بالرد على جميع استفساراتكم وامدادكم بالنصائح المفيدة الى ان يصلكم فريق عمل الشركة في الموعد المحدد تماما.
افضل شركة ترميم بالرياض
ترميم حمامات
شركة ترميم فلل بالرياض
ترميم منازل بالرياض
شركة ترميم بالرياض
شركة ترميم
شركة ترميم حمامات
افضل شركة ترميم بالرياض