فيه ناس بتلعب كوره في الشارع
وناس تمشـي تغني ,
تاخد صـوره في الشارع..
فيه ناس بتشتم بعض,
بتضرب بعض..,
تقتل بعض في الشارع !!
فيه ناس تنام ع الارض في الشارع
فيه ناس تبيع العرض في الشارع..
وفي الشارع...,
اخطـاء كتـيره صبحت صحيـحه!
لكــن صحيح حتكون فضيحـه,
لو يوم نسـينا و بوسنا بعض في الشارع ؟!!
شعر :أمينه صلاح جاهين
هناك تعليق واحد:
لكــن صحيح حتكون فضيحـه,
لو يوم نسـينا و بوسنا بعض في الشارع ؟!!
كل شئ مباح ف الشارع ، حتى اسفلت الشارع صبح له الف وش زي وشوشنا
إرسال تعليق